English| മലയാളം

സംസ്ഥാനത്തെ ആദ്യ സമ്പൂര്‍ണ്ണ ക്ഷേമപെന്‍ഷന്‍ നഗരസഭയായി പെരിന്തല്‍മണ്ണ നഗരസഭ

കേരളത്തെ ആദ്യ സമ്പൂര്‍ണ്ണ ക്ഷേമപെന്‍ഷന്‍ നഗരസഭയായി പെരിന്തല്‍മണ്ണയെ പ്രഖ്യാപിച്ചു.പെരിന്തല്‍മണ്ണ നഗരസഭാ ടൌണ്‍ഹാളില്‍ നടന്ന ചടങ്ങില്‍ 30/01/2014 ന് മലപ്പുറം ജില്ലാ കളക്ടര്‍ കെ.ബിജുവാണ് പ്രഖ്യാപനം നടത്തിയത്.വികസന പ്രവര്‍ത്തനങ്ങള്‍ക്കൊപ്പം ജനക്ഷേമകരമായ പ്രവര്‍ത്തനങ്ങള്‍ കൂടി നടത്തുന്നവരാണ് യഥാര്‍ത്ഥ ഭരണകൂടമെന്നും അര്‍ഹരായ മുഴുവന്‍ പേര്‍ക്കും പെന്‍ഷന്‍ എത്തിച്ച പെരിന്തല്‍മണ്ണ നഗരസഭ ഇക്കാര്യത്തില്‍ മാതൃകയാണെന്നും കളക്ടര്‍ പറഞ്ഞു.
നഗരസഭാ ചെയര്‍പേഴ്സണ്‍ നിഷി അനില്‍രാജ് അദ്ധ്യക്ഷത വഹിച്ചു.സഗരസഭാ സെക്രട്ടറി ടി എസ് സെയ്ഫുദ്ദീന്‍ റിപ്പോര്ട്ട് അവതരിപ്പിച്ചു.നാലായിരത്തോളം പേര്‍ക്കാണ് നഗരസഭയില്‍ വിവിധ ക്ഷേമപെന്‍ഷനുകള്‍ ലഭ്യമാകുന്നത്.